اللي بيقتل الناس في حلب
الطرفين !هناك مفيش أصلا ثورة!دي حرب !و انا شخصيا اختلف في تسميتها أهلية !!لان مش أهل سوريا اللي بيقتلوا في بعض ! محدش بجد (من الأطراف اللي معاه سلاح) يهمه مصلحة البلد !انا ضميريا متعاطف مع بشار، مش عشان شايفه صح و لا بحترمه، بس انا اري ان (ما يُقال عنهم) معارضة، هم بكل ما تحمله الكلمة غزاة !!
ليه رأيي كدة ؟! لان الجيش النظام السوري (قبل الحرب) متمول نظاميا، من محصلات الدولة و من الضرايب السورية، و يمكن تتبعها و يمكن عدها بالكامل !اما جيش المعارضة، فهو ممول ١٠٠٪ من الخارج!ما زاد الطين بلة، هو ان المعارضة بقت أقوي من الجيش النظامي!لجأ النظام (بميدأ الغريق يتعلق بقشة) للناس اللي ممكن تساعده علي مقاومة الغزاة (في رأيي هو مشاعر طبيعية مقننة مشروعة و غير ملامة)و لم يمد له احد يد العون الا روسيا و ايران! ما زالت اري المجرم الحقيقي هم الممولين للمعارضة !و لا اجد اي منطق من وجود مفاوضات ، مفاوضات علي ايه !
أمريكا بتساعد ما يقال عنهم المعارضة، ليه بتساعدهم ؟؟؟!!أكيد لحماية السنة طبعا من بشار العلوي الشيعي !!لازم تبقي متخلف عشان تصدق ان أمريكا مهتمة أصلا بالسنة !أصلا ان أمريكا ضد بشار ، دة بالنسبة ليا سبب كافي لمساندته.
كمان نقطة، أمريكا ليها مصلحة واضحة و خسيسة في اضعاف سوريا التي علي حدود اسرائيل ،بينما روسيا تواجدها ، إظهار انها في المشهد، بدون اي مصالح حقيقية مِن سوريا!
معلش كمان نقطة!!! مصيبة تعاطف المصريين مع المعارضة لأنهم سنة، دة زرع لافكار بشعة، و منطق مريض!!سوريا جزء من مصر!بلا سنة بلا شيعة بلا اي حاجة ! عندما حصل الاتحاد بين مصر وسوريا، لم يكن المرض الطائفي متفشي حينها !من اخطر التوابع الغير مباشرة في الأزمة السورية هو التأثير علي العرب و تاجيج الهوة بين السنة والشيعة !و راينا تبعات ذلك في حرب السعودية علي اليمن لاضعاف الشيعة !و مصر ايضا، اصبح الرأي العام في مصر ، انا مع السني حتي لو غازٍ، و ضد الشيعة حتي لو كانوا أصدقائنا
No comments:
Post a Comment